عيد الأُمْ ::: كلمات لــ عمرو الساهرى
*
قالوا لنا تعالوا دا عيد الأُمْ،
والله الناس دى ما عندها دمْ،
عيد الأمُ مش كده يوم ،
مفروض يبقى كُلِّ يوم ،
ونغنِّى لها يا ستِّ الكُلْ.
------------------
عيدنا كبير وسنتنا جديده ،
وأنا جىَّ وفــ إيدى قصيده ،
فيها معانى الحُبِّ أكيده ،
وقلبى لفَّ كمان بوريده ،
وعمل لأمِّى حزمة فُلْ.
.....
.....
لو الناس بتشوف بعيونى ،
والله يا أُمِّى ماكانوا لامونى،
حُبِّكِ إنت الِّلى مدوبنى ،
وكُل حاجه فيكِ تعجبنى ،
وإنت بروحى مهما إتقال.
----------
من زمان وأنا نِفسى أقول لك ،
فطمت روحى زمان على حُبِّك ،
وكُلأِّ شويه أنا أجرى عليكِ ،
أبوس إيديكِ كده ورجليكِ ،
يا أحلى غِنوه فــ موَّال.
-----------------
تيجى شهور وتروح سنين ،
وأنا معاكِ ليوم الدين ،
ومهما كِبِرت أنا بردو صِغيَّر ،
ولا هتقلِّب ولا هتغيَّر ،
لو خلِّفت وجبت عيال.
----------------
فاكره زمان وأنا لسَّه نونَّه ،
أصرخ وانت تقولى جَنِّنَّه ،
كُنت أعملها عليكِ على طول ،
و أعمل نفسى مش مسئول ،
وريحتى تبقى عال العال.
---------------
مين غيركِ إنت كان يحمينى ؟
ويبدَّرنى ويحمَّينى ؟
ويلاعبنى ويغنِّى لى ؟
ويقعد جنبى ويناغينى ؟
وأشرب منُّه لبن حلال؟
.....
.....
امسحى دمعك يلاَّ وقومى ،
مين غيرك يمسح لىَّ همومى ؟
ما انت لوحدكِ يللى فـ بالى،
قلبى يجرى عليكِ طوَّالى ،
ويبقى معاكِ سعيد مرتاح.
------------------
كلمه أخيره نفسى أقولها ،
إنتِ كُل حياتى ونورها ،
عمرى كُلَّه ما بين ايديكِ،
وقلبى قفلتُه ياروحى عليكِ
وفــ إيدك إنتِ المُفتاح.
*
قالوا لنا تعالوا دا عيد الأُمْ،
والله الناس دى ما عندها دمْ،
عيد الأمُ مش كده يوم ،
مفروض يبقى كُلِّ يوم ،
ونغنِّى لها يا ستِّ الكُلْ.
------------------
عيدنا كبير وسنتنا جديده ،
وأنا جىَّ وفــ إيدى قصيده ،
فيها معانى الحُبِّ أكيده ،
وقلبى لفَّ كمان بوريده ،
وعمل لأمِّى حزمة فُلْ.
.....
.....
لو الناس بتشوف بعيونى ،
والله يا أُمِّى ماكانوا لامونى،
حُبِّكِ إنت الِّلى مدوبنى ،
وكُل حاجه فيكِ تعجبنى ،
وإنت بروحى مهما إتقال.
----------
من زمان وأنا نِفسى أقول لك ،
فطمت روحى زمان على حُبِّك ،
وكُلأِّ شويه أنا أجرى عليكِ ،
أبوس إيديكِ كده ورجليكِ ،
يا أحلى غِنوه فــ موَّال.
-----------------
تيجى شهور وتروح سنين ،
وأنا معاكِ ليوم الدين ،
ومهما كِبِرت أنا بردو صِغيَّر ،
ولا هتقلِّب ولا هتغيَّر ،
لو خلِّفت وجبت عيال.
----------------
فاكره زمان وأنا لسَّه نونَّه ،
أصرخ وانت تقولى جَنِّنَّه ،
كُنت أعملها عليكِ على طول ،
و أعمل نفسى مش مسئول ،
وريحتى تبقى عال العال.
---------------
مين غيركِ إنت كان يحمينى ؟
ويبدَّرنى ويحمَّينى ؟
ويلاعبنى ويغنِّى لى ؟
ويقعد جنبى ويناغينى ؟
وأشرب منُّه لبن حلال؟
.....
.....
امسحى دمعك يلاَّ وقومى ،
مين غيرك يمسح لىَّ همومى ؟
ما انت لوحدكِ يللى فـ بالى،
قلبى يجرى عليكِ طوَّالى ،
ويبقى معاكِ سعيد مرتاح.
------------------
كلمه أخيره نفسى أقولها ،
إنتِ كُل حياتى ونورها ،
عمرى كُلَّه ما بين ايديكِ،
وقلبى قفلتُه ياروحى عليكِ
وفــ إيدك إنتِ المُفتاح.
